ڕێـکخراوەی مافی مرۆڤی کوردستان لە هەواڵێـکدا ڕایگەیاند کە ڕۆژی یەکشەممە ڕێـکەوتی ٣١ی پووشپەڕی ١٤٠٣ گیراوێـک بە ناوی دانیال کازمی نژاد بە تاوانی کووشتنی ئەندامێکی سپای پاسداران بە ناوی سەجاد ئەمیری کە لە تێکهەڵچوونێکی چەکداریدا لە ناوچەی کڕناچی کرمانشان کووژرابوو، ئێعدام کرا.
دانیاڵ کوڕی عەلی ئەکبەر کازمی نیژاد تەمەنی ٣٠ ساڵ بوو و لە دایکبووی ئاوایی ڵۆڕ لە ئیسلام ئاوای ڕۆژئاوا لە دایک بووە. ناوبراو لە پووشپەڕی ساڵی ١٤٠٢ی هەتاوی لە شاری خۆی دەسبەسەر دەکرێت.
ئێعدامی دانیاڵ بە بێ ئاگادرکردنەوەی پێشوەخت و بێ چاوپێکەوتنی بنەماڵەکەی جێبەجێ کراوە.
هێزە ئەمنێکان ئیزنی ڕێوڕەسمی ناشتنی تەرمی دانیاڵ کازمی نژادیان بە بنەماڵەکەی نەداوە و هەر ئەو ڕۆژەی ئێعدامیان کردووە لە ئاوایی لە دایکبوونی بە خاک ئەسـپێردرا.
ڕووحی شاد و یادی بەردەوام بێت
