ساڵی ١٣٦٢ ساڵی قڕکردنی بە کۆمەڵی لاوانی ڕۆژهەڵاتی کوردستانە. ساڵێکە کە ئێعدام کردنی بەکۆمەڵی خەڵکی کوردستان ببوو بە جوانترین دیمەن بۆ مەلاکانی کۆماری ئیسلامی و چێژبەخشترین ڕاهێنان بۆ سپای پاسداران تا چاکتر فێرە مرۆڤکوشتن و خوێنڕشتن ببن. ئەوان خۆیان لەسەر کورد تاقی دەکردەوە تا بەڵکوو بتوانن کورد دەستەمۆ کەن و بیتوێننەوە. نەک هەر بۆیان نەکرا بیتوێننەوە بەڵکوو کوردی لەسەر وەدەستهێنانی مافەڕەواکانی شێڵگیرتر و ڕژدتر کردەوە. ئەوە نییە کورد لەسەر “ژینا”ی کوردان بناغەی کۆماری ئیسلامی  دێنێتە لەرزین. ئەوە نییە هەنووکەش لاوان بە عەشق دەچن بە بەرەوە پیری مەرگەوە، ئەوە نییە دایکان شیریان حەڵاڵی ڕۆڵەکانیان ناکەن گەر بۆ کورد تێهەڵنەبنەوە. گەر کورد لە فیشەک و ساچمە و تەناف ترسابا، لە مێژبوو چەشنی دەیان نەتەوەی تری ناوچەکە لەناوچووبوو و خاکی خۆی بەجێهێشتبوو.

لە ڕەشەساڵی ١٣٦٢ جیا لە ئێعدامی تاک و تەرا، بە پێی بەڵگە نافەرمییەکان کە ناوەندی نەمران لێکۆڵینەوەی لەسەر کردووە، لە کۆی ١١ گرووپی بەکۆمەڵ ئێعدامکراودا، ١٨٤ کورد لە گشت ڕۆژهەڵاتی کوردستان ئێعدام کراون. هەروەها بە پێی بەڵگەی “فێدێڕاسیۆنی ناونەتەوەیی مافەکانی مرۆڤ بنکە لە پاریس”، لە گشت ڕۆژهەڵاتی کوردستان لەو ساڵەدا، سەرجەم ٤٥٠ کەس ئێعدام کراوە.

ڕۆژی ١٢ی جۆزەردان ساڵیادی ٥٩ لاوی مەهابادی بوو و ئەمڕۆ ٢٤ی جۆزەردان ساڵیادی ئێعدامکردنی بە کۆمەڵی زیاتر لە ٢٦ قارەمانی شاری سنەی سەربەرزە کە بەبێ تاوان و بە نامرۆڤانەترین شێوە ئەشکەنجە و پاشان ئێعدام کران.  بە پێی لیستی پشتڕاستکراوی ناوەندی نەمران، ناوی ئەو ٢٦ کەسە بەو جۆرەیە:

هەروەها بە پێی هەندێک زانیاری ڕێژەی ئەو ئێعدامییانە زیاتر لە ٢٦ کەسە وەک دەگوترێ ئەو ناوانەش بەو لیستە ٢٦کەسییە دەبێ زیاد بکرێ:

1. شاهروخ بەخشەنده
2. عومەر فەیزی
3. جەمشید ئەسڵی
4. جەمیل

ناوەندی نەمران بەردەوام لە هەوڵی پشتراستکرنەوە یا لێکۆڵینەوەی زیاترە لەسەریان هیوادراین کەسانێک هەبن کە هاوکاری ناوەندی نەمران بکەن بۆ ساخکردنەوە، ئاڕشیوکردن و تۆمارکردنی ناوی ئەو نەمرانە.

یاد و ناوی ئەو نەمرانە هیچکات فەرامۆش ناکرێ و وەک قارەمانێکی نەتەوەیی لێیان دەڕوانین.