هەر وەک پێشتر ڕامانگەیاند لەسەر بانگهێشتی فەرمی ڕێکخراوی مافی مرۆڤی نەتەوە یەکگرتووەکان، ناوەندەی نەمران و بەشێک لە بنەماڵەی ئێعدامکراوان و بزرکراوەکانی ڕۆژهەڵاتی کوردستان گەییشتنە ژنێو و لە بنکەی سەرەکی ئەو ڕێکخراوە جیهانییە کۆبوونەوەیەکیان گرت و لە وەردی لەسەر دۆخی ئێعدامکراوان و بزرکراوان دوان. لەو پێوەندییەدا کاک یۆنس بلوری وتەبێژی ناوەندی نەمران ڕێک لە دوای کۆبوونەوەکە، لە لێدوانێک دا بۆ تەنیا تلێڤیزیۆنێکی ئامادەبوو ایران اینترناشنال دوا و تێیدا کۆبوونەوەکە بە باش و پڕدەستکەوت هەڵسەنگاند و ئاماژەی پێدا کە نەتەوە یەکگرتووەکان بڕیاری داوە کە لە ڕێگای قانوونییەوە داوا لە کۆماری ئیسلامی ئێران بکات تا چارەنووسی ئەو کەیسانە ڕوون بکاتەوە و ڕێز بۆ مافی بنەڕەتی و مرۆڤایەتی بنەماڵەکان دابنێ.
بلوری بە ایران اینترناشنال ی ڕاگەیاند کە بەشداربوونی بەشێک لە بنەماڵەی نەمران لەو کۆبوونەوەیەدا کاریگەرییەکی زۆری لەسەر ڕەوشی کۆبوونەوەکە دانا و بەرپرسانی ئەو ڕێکخراوەیەیان لە قووڵآیی ئەو کارەساتانەی کە بەسەریاندا هاتووە ئاگادار کردەوە. هەروەها وتەبێژیناوەندی نەمران ڕاشیگەیاند کە نەتەوە یەکگرتووەکان داوای هاوکاری و پێوەندییەکی گەرمتر و نیزیکتری کردووە لەو ناوەندە و بۆ ئەو کارەش لەسەر مێکانیزمێکی پێوەندی گرتن ڕێک کەوتوون.
