خوێنەرانی ھێژا!
پێشوازی گەرمی ئێوە لە کاری ماڵپەڕەکەمان و جێکردنەوەی لە دڵی خوێنەرانیدا ئێمەی هاندا بۆ هەڵگرتنی هەنگاوی بەپێزتر و قایمتر. وەک ئاگادارن لە ماوەی پێشوودا بە هۆی نوێ کردنەوەی ماڵپەڕەکەمان، بە قەوارەیەکی مۆدێرنتر و بە شێوازێکی نوێتر کار و چالاکیەکانمان وێستابوو.
ئێستاکەش بە خۆشییەوە ڕایدەگەیێنین کە ماڵپەڕەکەمان نوێ کراوەتەوە و ناوی گۆڕدراوە بە «ناوەندی نەمران».
جێگای دڵخۆشییە کە لەو ماوە کورتەدا ناوەندی نەمران بە هاوکاری و پاڵپشتی بنەماڵەی نەمران لە دەرەوەی وڵات توانیویەتی ببێتە هۆی ڕزامەندی ئێوە خوێنەرانی هێژا و لە ناوەندە جۆراوجۆرەکانی مافەکانی مرۆڤ و ڕاگەیاندنەکانی گشتی ببێتە سەرچاوەیەکی باوەڕپێکراو و کەلکی لێ وەربگیرێت.
بێ گومان ئەو متمانە و باوەڕ پێکردنە، ورەمان پێدەبەخشێ تا هەنگاوەکانی داهاتوومان سەقامگیرتر و بەردەوامتر هەڵگرین و ماندوونەناسانە لە پێناو کۆکردنەوە و بەڵگەمەندکردنی لەسێدارەدراوان ە تیربارانکراوانی رۆژهەڵاتی کوردستان و لە ئاکامدا هەوڵبدەین بۆ ئەوەی ئەو بەڵگانە پێشکێش بە دادگایەکی دادپەروەر و بێ لایەن بکەین.
ئەوە ڕاستییەکی حاشا هەڵنەگرە ئەگەر بنەماڵەی خۆشەویستی نەمران بەرەوپیری داخوازیەکانی ناوەند نەهاتبان و یاریدەدەرمان نەبان، نەماندەتوانی ئەو ڕێگا دوور و درێژە بە تەنیا ببڕین.
ناوەندی نەمران دەستی هاوکاری گشت لایەکتان بە گەرمی دەگوشێ و داواکارین بێبەشمان مەکەن لە هەر چەشنە بابەت، زانیاری و بەڵگە لەمەڕ ئێعدام کراوانی کوردستان.
لەگەڵ ڕێز و خۆشەویستیمان
دەستەی بەڕێوبەرایەتی ناوەندی نەمران
٢٠\٠١\٢٠٢١
